|
"فخری آنا"
شعر و ادبیات و اطلاعات عمومی
| ||
|
آللاه آماندی! بوگون، سرمایه دار طغیان ائدیر ،آللاه آماندی کاسیبلار خانه سین ویران ائدیر ،آللاه آماندی چکیب ،زنجیره جسمین ،جان ایچینده اختیاره بوقشرین، ریشه سین بی جان ائدیر ،آللاه آماندی اسیر شددتلی ظالم گِردی بادی هر طرفدن بنای مظلومی لرزان ائدیر ،آللاه آماندی چیخیب ایمان و مذهب دن اولؤب کافر یهودی مسلمان بنده سین حیران ائدیر، آللاه آماندی عجب دوراندی یارب ،چاره ائیله بینوایه جنایت دنیادا طؤفان ائدیر، آللاه آماندی یازیق بیچاره ملت ،نئیله سین یوخ بیر پناهی مقام اوسته بشر، یوز قان ائدیر ،آللاه آماندی بوتون عالم باتیب ،قان پالچیغیندا یوخ نجاتی شقاوت چشمه سین ،جوشان ائدیر، آللاه آماندی قویؤب بحراندا خلقی شرمی یوخدور بی حیانین خیانت مشعلین ،سوزان ائدیر، آللاه آماندی تَوَررم گؤن به گؤن آرتیر ولی آیلیق یئرینده سیاست بیزلری قوربان ائدیر، آللاه آماندی کاسیبلیق چوخ چتین درتدی اونین درمانی اولماز ئولؤم دیر موشکیلین درمان ائدیر ،آللاه آماندی سنون زاهد ایشؤن دای قالدی شاه عالیمنه بو خائن ، خلقتی پشمان ائدیر آللاه آماندی زعفر نظرزاده زاهد به تاریخ 1390/12/01 [ چهارشنبه ۱٧ اسفند ۱۳٩٠ ] [ ٦:٢٥ ب.ظ ] [ زعفرنظرزاده زاهد ]
یاخجی پیس زاهد فخرآبادی هر یاره دئشیلسه ،اونا درمان قویاسان دوز توکمییه سن، حالی پریشان قویاسان گر چاره وارون ،ائتمه دریغ، یاخجیلیقون انصاف دگیل اول، خسته نی نالان قویاسان دنیاده بشر، چوخ گوره جک یاخجی پیسی سن ،سعی ائله هر، یاخجیدان عنوان قویاسان انسان هاموسی ،خلقتی بیر ،خالقی بیر اولمازدی بیرین، الده بیرین، یان قویاسان بیر گون اولاسان ،رتبه ده گر ،شاه جهان تختون ییخیلار، مظلومی گریان قویاسان تقبیحیله مال، دولتووی چکمه اوزه چون گورمه میشم، بیر کاسا احسان قویاسان ال قیتمیر اولا ،گوزده خسیس، باغلی قاپون بیر ننگ اولاجاق، آدووی انسان قویاسان گر شاه اولاسان یاکی گدا فرق ائله مز آللاهه گرک، سجده ی سبحان قویاسان انسان اودگیل، زور دییه سن قان توکه سن ذیللت یارادیب، خلقی هراسان قویاسان انسانلیق اودیر، خلقیله الفت قاتاسان دوستلیقدا وفا ،دشمنی پشمان قویاسان گولزاره دوشوب ،پوشکوده سن، اولما تیکان خصمیله بیتیب ،گولشنی ویران قویاسان گر گلسه الونن داوانی، صلحه یئتیر کش وئرمه سوزی ،باعث اولوب قان قویاسان زاهد گل آتاق کینه لری دوستلیق ائدک دوستلیقدا گرک دشمنی حیران قویاسان زعفر نظرزاده زاهد 01/12/1390 هجری شمسی [ چهارشنبه ۱٧ اسفند ۱۳٩٠ ] [ ٥:٤٢ ب.ظ ] [ زعفرنظرزاده زاهد ]
(مه من) جسم بیمار من از شوق تمنای تو است این همه آه و فغان بحر تولّا ی تو است چشم به راهم خبری از تو نیامد چه کنم مرغ پر بسته اسیر دل شیدای تو است ماه رویت شده پنهان به خیالم که شب است برکن این تیره نقابی که به سیمای تواست درد دوری شرر افکنده به جان ای مه من مرهم آتش دل روی قمر سای تو است تیر مژگان تو جانم بگرفت پرده گشا از خیالی که دراین محفل سودای تو است منظر ماه رخت پرتو نور ازلیست دیده در کاسه ی خون محو تماشای تو است رام عشقم نشدی شهد لبانت بچشم دلم آشفته ی آن غنچه ی لبهای تو است دل هوای سحرم کرده به نوری زافق مژده آن تیره شبی جلوه ی فردای تو است عشق "زاهد" به نگاهی نشود مرهم درد آن طبیب ابدی نرگس شهلا ی تو است شعراز: زعفر نظرزاده(زاهد) [ جمعه ٧ بهمن ۱۳٩٠ ] [ ۱٢:٤٠ ق.ظ ] [ زعفرنظرزاده زاهد ]
(بلبل پریشان) ای بلبل پریشان ازمن شدی گریزان ازگلشن و گلستان دل کنده ای چه آسان سرمایه ی امیدم بودی به نا امیدی لب تشنه ی سرابم آبی رسان ز باران آیینه ی صداقت بودی تو در رفاقت ای یاد تو گــرامی در بزم خیل یاران دل خسته ی خزانم افرده جسم وجانم گریم چو ابر غمگین در فصل نو بهاران گنجینه ی مرادی در رنج و بی پناهی از من نرو به غفلت باز آ به جمع خوبان دروصف توچه گویم خوشتر به خلق و خویت دُرگران تو بودی در جمع یادگاران گم گشته ی طریقم در ظلمت و سیاهی ای ماه شب زحسنت نوری دگر بتابان در بند عشق خامم بشکن قفس به لطفی کین جان کنم رهایی از قید و بند رندان زاهد بلای جان شد این فکر خام سرکش چون بوالهوس به عشقی دامن زده شتابان (شعراز:زاهد) [ دوشنبه ۳ بهمن ۱۳٩٠ ] [ ۳:۱٢ ب.ظ ] [ زعفرنظرزاده زاهد ]
اجلدن یولداش اولماز زاهد فخرآبادی سولاندا گوللریم، دییه ردیم، بیرکسیم گلسین بهار عومرومی، خزانلا، گئتمه گین گورسین گوزوم، هئی قالدی یولدا ،یامان گونده تک اولدوم زمانه دشمن اولدی، اونؤندا چرخی چؤنسین دییه للر گول سولاندا ،گلر بولبول فغانه اولار غمنن پریشان، دییه ر دنیا قرا گئیسین اونین غم غصصه سینن، گئدر پروانه حالدان یانار دوستلیق شوتوندا، محبت ریشه لنسین منیم بیچاره کونلوم ،باتیب دریای غمده گئدیب اممیدی الدن، عجب دیر جان قوتارسین اولوب، نامرده محتاج ،ایگیت لردن خبر یوخ چوخالدی بی وفا دوستلار، کدورت جلوه لنسین یازیلمیش سرنوشتین، دییه رتعبیری یوخدور اجلدن یولداش اولماز، ئولن بیچاره لر ئولسین قیریلدی دوز بشرلر، دیریلدی فتنه شرلر سالیب طوفان بلاسین، محبت شمعی سونسین اولوب ویران گلستان، تیکانلار ریشه آتدی یئرین سالدی چمنده، گولین بزمی داغیلسین اولوب غم خانه دنیا، قالیبسان بی خبر زاهد اوره کدن غم چکیلسه، گرک دیوانه لر گولسین شعر : زعفر نظرزاده زاهد فخرآبادی اردبیل 19/02/1390 هجری شمسی [ شنبه ۱ بهمن ۱۳٩٠ ] [ ۱٢:٥٤ ق.ظ ] [ زعفرنظرزاده زاهد ]
شیطان و انسان بیرگون یؤخؤدا شیطانی گوردؤم اوتؤرؤب انسانلارا شاکی حالیدا چوخ پوزؤلؤب گاه باشه ویریردی قاپازی گاه دیزینه گاه تکیه وئریردی دیوارا گاه میزینه گاه حرصی توتوب نعره چکیردی اوجادان گاه های هایینان ناله چکیردی اوجادان ال ساخلا دئدیم بس نییه اولدون دلی سن بو حال کی واروندی ائله بیل ئولمه لی سن توخداد اوزؤوی بیر ده گورم قصه نه دی قلبونده اولان کینه لی غم غصه نه دی قوی منده بیلیم دردؤوی درمان ائلئییم گر دوشسه سبب موشکیلی آسان ائلئییم احضار ائله دی گل سنیلن واردی سوزوم شیطانلیقا دای اینجیمیشم یوخدی دوزوم هر چندی منیم خلقتیم اوتداندی ولی تورپاغدان اولانلار منی چوخ ائتدی دلی سن شاعیر اوزون رتبه ی استادی وارون جاهیلّه لرینن فرق خدادادی وارون بومحکمه ده عدلی رعایت ائلئیون آلّاه طرفی حقّی حمایت ائلئیون من شیطان اولوم لعنت اوخی شام وسحر سن انسان اولوب زندگیمی ائتمه زهر دوشدؤز فئلیمه شرم و حیا ائیلمه دؤز قولوزدا منه ذرّه وفا ائیلمه دؤز هر پیس عملین بوینوما ییخدوز سببین هئچ ساخلامادوز بیر دفعه دوستلیق ادبین بیلمم نه اولؤب آتدی بشر ایلقارینی پشمان ائله دی شیطانی همده تارینی بیر حوری گورنده دئمه دی واردی خدا ساچلارین هورنده دئمه دی واردی خدا سرخوش منیلن اولدوز اونوتدوز تارینی آدم باخیب هئی چکدی بو ننگین عارینی سیز یاخجی قالیبدی پیسی یازدوز آدیما هر فتنه شرین فنّینی سالدوز یادیما دای گوردیگوز ایشلر منه چوخ گلدی گران پیس قایدالاروز خالقی ائتدی نگران سیز پشمان اولوب بیر بیرؤزی داننامادؤز قرآن اوخئییب آمما سوزین آننامادؤز هئی صلح ائلئییب ظالمه الطاف ائله دؤز مظلوم بشرین حقّینه اجحاف ائله دؤز شاعیر دئمؤرم یوخدی بو انساندا دؤزی بیر اولسا دؤزی آمما آتیب حقّی یؤزی آلّاه سیزه احسن دئدی خلقتده اوزی بو خلقه ته باری قالیب حیرتده اوزی آمما نییه سیز بی ثمر ائتدوز هدفی هر ساخسی سوموکنن عوض ائتدوز صدفی خلوتده گلیب دوشدوز ادالی فئلیمه ملّت گوزینه لعنتی سالدوز بئلیمه هئچ بیر دئمه دوز بلکه اونین آلّاهی وار نوردان یارانیب رتبه ده خلق الّاهی وار شاعیر یئتیر اول سوزله ریمی بیلسین هامو بلکه بشرین قایداسینا گولسین هامو سوز چوخدی دئسم تفرقه ایجاد ائلییه ر اوّلده اونا کار غلام ایراد ائلییه ر زاهد گئنه یاز سوزله ریمی سن بیله نه لعنت اوزینه شیطانا لعنت دییه نه زعفر نظرزاده زاهد فخرآبادی اردبیل یکم دی ماه یکهزارو سیصدو نود [ یکشنبه ۱۸ دی ۱۳٩٠ ] [ ٩:٢۸ ب.ظ ] [ زعفرنظرزاده زاهد ]
انصاف ئولؤب دنیاده کلک حاکیم اولوب یوخدی بیلن هر جاهیل اوکوز عالیم اولوب یوخدی بیلن آق ساققال اولوب کندیمیزین چالواداری هر ایشده جلوداریم اولوب یوخدی بیلن قانمازلارینان کیم باجاریب منده بیری امما اودا روحانیم اولوب یوخدی بیلن بیلمز نه دی دین یا کی شریعت نه اولار احکامیده استادیم اولوب یوخدی بیلن تعظیم ائلییر شیطانا قرآنی الینده شرمنده مسلمانیم اولوب یوخدی بیلن اسلام دینی چوخ یاخجیدی گر بیلسه بشر افسوس آدی اسبابیم اولوب یوخدی بیلن کور شیطان اولوب گورمه گه گوزلر ایشیقی غافل نییه انسانیم اولوب یوخدی بیلن حققین دادی شیریندی ولی شرطی آجی شرطینده چوخ اهمالیم اولوب یوخدی بیلن آلاه بوزاماندا هامو دای تولکی اولوب قوردین آدی بهتانیم اولوب یوخدی بیلن دوستلار کی ائده ردی منه قوربان جانینی جان آلماقا جلّادیم اولوب یوخدی بیلن باخ سن نئجه گور قایدا دؤنؤب انصاف ئؤلؤب دشمن باجی قارداشیم اولوب یوخدی بیلن انساندا گرک اخلاق اولا یاخجیسی چوخ بیر ذره سی درمانیم اولوب یوخدی بیلن حیوان لارینان باش باشا وئردیک عومؤری انسانلیقا تک آدیم اولوب یوخدی بیلن هر فتنه شرین عاملی انسان دی ولی شیطان نییه الراجیم اولوب یوخدی بیلن چوخ حقی دئییب ائتدیک عمل باطیلینه شاهد اونا قرآنیم اولوب یوخدی بیلن آنناخلی آدام چوخدی جهاندا تاپاسان نادانلاری غم خواریم اولوب یوخدی بیلن انسان نییه چوخ حیوانا رحمت اوخویور بو مسئله اسراریم اولوب یوخدی بیلن هرجمعیده حقین طرفین ساخلامیشام آلچاق نییه دیواریم اولوب یوخدی بیلن اعجازیله یارب منه بیر چاره یئتیر حق دوستلاری دشمانیم اولوب یوخدی بیلن "زاهد" یئدیلر حققی من اولدؤم نگران آلاه اوزی دیلداریم اولوب یوخدی بیلن زعفر نظرزاده زاهد هیجدهم آذر سال نود فخرآباد [ یکشنبه ۱۸ دی ۱۳٩٠ ] [ ٩:٢٦ ب.ظ ] [ زعفرنظرزاده زاهد ]
مظلؤم آهی طوفان منیلن دشمن اولوب قالخ ایاغا قویما ییخیلام گل توت الیمنن آی آغا قورد آژ دولانیر ایندی چوبان وای حالینا ایتدن ده خبر یوخدی گئدیبلر یاتاغا ایش دوندی یامان گور نه حالا قالدی زامان توز باسدی گؤزؤم یوخدی گؤمانیم قؤلاغا الدن تؤتان اولماز دؤشه الدن آغاجؤن یوخ رحم ائلیین یئرده قالان شیل چولاغا بیر گؤن ییخاجاق مظلؤم آهی ظالم ائوین گر صبر ائله سون آه کوز اولار اوتلاماغا هرقاره گئجه واردی دالیندا سحری یالوارما او میننتلی کوزر میش چیراغا هرکیم گؤز آچیب گوردی قرا گؤنله رینی تئز یؤمدی گوزین وئردی زورین قاش قاباغا قان آغلا فلک گور نه شیرین روْیالاری زهر ائیله دیریلر دیلسیز آغیزسیز اؤشاغا آژ قارنیما من یاس تؤتؤرام شام و سحر بیلمم نییه تارلیم نظرؤن یوخ اشاغا بیرعدده آجیننان دؤرابیلمیر یؤخؤدان بیر عدده یئییب قارنی گتیردی قاباغا خوش گون منه درماندی ولی نسخه سی یوخ گر نسخه تاپیلسا اثری یوخدی قاغا دشمن کوته گین چوخ یئمیشوق نؤشدی ولی دوستلار کوته گی کوزدی اؤره ک داغلاماغا اوز قاره گونیم وئرمه دی فرصت تا گورم کیم خلوت ائدیر اوز حالینا آغلاماغا "زاهد "بیلورم درد اوره گونده کوز اولوب سوز چوخدی ولی قافیه سی یوخ سوراغا زعفر نظرزاده زاهد اردبیل 15/07/1390 [ یکشنبه ۱۸ دی ۱۳٩٠ ] [ ٩:٢٥ ب.ظ ] [ زعفرنظرزاده زاهد ]
قوجالیق بیلمم نییه دای اویناماغا یوخدی حالیم ایام قوجالیب یوخسا منیم دؤندی فالیم گویا ائله بیل گئتدی بو عومرؤن باهاری بؤننان سورا باشلاندی منیم قیدو قالیم هئچ گورمه دیم آخر بوجوانلیق ثمرین حسرتدن اوخی منده غم آهنگی چالیم یئتمیش کی آشیر گوزلر آخیر باش گیجه لیر آغلیم دا چاشیب یاخجی بودیر ائوده قالیم گورسون حالیمی سنده گولرسن اوجادان وار توی بساطی آمما جیریلدی قابالیم ال چالدیقیجا باخ نئجه باش اوینییری گوزلرده دؤمان باسدی گئدیم عینک آلیم بؤرنؤم یئکه لیب چؤققؤرا سالدی ئؤزؤمی بیر خورتدانا دؤندی او گوزل خوش جامالیم سینه مده کی گوز تحریک ائدیر حنجره نی دای آسقیریب اوسگؤرمه دن هئچ یوخ ماجالیم دؤختؤردا منیم شیشیه توتدی قانیمی چاره م اودی کی نعشیمی تئز قبره سالیم حیف اولدی جوانلیق باهاری گئتدی کوله قسمت اودی کی منده خزانلا سارالیم گونلر شیرینیدی سورادان چالدی آجی "زاهد" نئجه گور آغزیما زهر اولدی بالیم بؤلبؤلده گلیب گولشنه توی محفیلی وار بیلمم نییه دای اویناماغا یوخدی حالیم شعر :زعفر نظرزاده زاهد 22/07/1390 هجری شمسی اردبیل [ یکشنبه ۱۸ دی ۱۳٩٠ ] [ ٩:٢۳ ب.ظ ] [ زعفرنظرزاده زاهد ]
عومرون باهاری چوخ غم یئمه بیرگون پاییز ال چکمه لیدی قار شاخدا یئرین ایستی یازا وئرمه لیدی گوللر آچاجاق بیردا چمن شادلاناجاق بولبول گئنه ده یار باغینا گلمه لیدی چون واردی ماجال قدرینی بیل خوش گونؤوین عومرؤن باهاری گلسه خزان گئتمه لیدی هرکیم شاد اولوب گولدیره جک خلقیمیزی بیلسون اوزیده دنیا کئفین گور مه لیدی آمما او کی هئی روضه دئییب آغلاداجاق بیر گون اوزیده غصصه غمه ئولمه لیدی بس نئیلیه ک ایندی اوره گی شاد ائلییه ک هاردان تاپیم اول سوزله ری کی گولمه لیدی گولمک او دگیل خندان اولا غنچه لرون قلبون شاد اولا گوز یاشیوی سیلمه لیدی دنیا دئدیگون باغدی سن اول باغبانی هرکیم نه اکیب بیر گون اونی بیچمه لیدی دشمن داغینا اکمه تیکان ریشه آتار دوستلار او داغا گئتسه گوزین دئشمه لیدی سالما اوزووی داشلی داغین طوفانینا آباد ائله دوستلار باغی چوخ گزمه لیدی بیر سوز ده دئییم بلکه اولا یادگاریم زاهد بو سوزین قدرین هامو بیلمه لیدی دوز قونشؤلارین بیر نئچه گون زحمتینه چون بیر گون اودا زحمتیوه دوزمه لیدی زعفر نظرزاده زاهد سال 07/08/1390 هجری شمسی [ یکشنبه ۱۸ دی ۱۳٩٠ ] [ ٩:٢۱ ب.ظ ] [ زعفرنظرزاده زاهد ]
درد نهان خاموشم و دل ناله کنان شکوه گرست بر قصه ی ما دهر و زمان شکوه گرست این دشمن جان آه جگر سوز من است کز شعله ی آن روح و روان شکوه گرست خونین جگرم از غم جان سوز زمان بیچاره دل از درد نهان شکوه گرست این طفل دلم خسته ی نیرنگ و ریاست ظلمیست برآن پیرو جوان شکوه گرست آن گرگ کمین کرده بلا گشته به جان کز فتنه ی او اهل و ددان شکوه گرست در بند قیودم که رهاند دل و جان بنگر به اسیری که زجان شکوه گرست از جور شهان ناله کند خان و شبان وین دیده ی خونین نگران شکوه گرست یاری بکن ای صاحب عنوان و مقام بر خلقت خود مرد و زنان شکوه گرست از کید و ریا توبه کن ای "زاهد" شب برخیزو حیا کن که جهان شکوه گرست زعفر نظرزاده (زاهد) 15/04/1390 اردبیل [ یکشنبه ۱۸ دی ۱۳٩٠ ] [ ٩:۱٩ ب.ظ ] [ زعفرنظرزاده زاهد ]
کارگر سنی آللاه یارادیب چوخ الله شیب آز ییه سن؟ اوزون آغلار دولانیب دنیا بویی گولمییه سن؟ سحر آخشام چالیشیب گوز یاشی تک تر توکه سن! نه روادیر کی اوزون هئچ ثمرین گورمییه سن بوگوزل قایدا دگیل تحمیل اولوب کارگره کی جانوننان گئچه سن ایشدن الون اوزمییه سن اوزون هئی ایشلیه سن آمما یئییب ایچمییه سن گور اولان سوزدی نفس چکمییه سن ئولمییه سن؟ دگورم آی جان الینن زاراگلمیش به ماریم(بیماریم) هانسی مکتبده یازیبلار بوقدر اینجییه سن سنده من تک یاریق اولدون باشووا چاره ائله فهله قویدون آدووی ایندی گرک ایشلییه سن گئجه شیرین یوخولار بالسا سنه اولدی زهر زندگون اولدی هدر سن بیله سن بیلمییه سن آیلیقون دوختورا یا بورجا گئدیر یا کرایا سنه قسمت یازیلیب دنیا کئفین چکمییه سن الووین پینه لری قلبیمه سانجیردی اوخی فلکین رحمی یوخی سن قارا گون نئیلییه سن گورمه دیم بیر گئجه سن تختیده راحت یاتاسان دردو غمنن قوتاریب ساغ سولووا دونمییه سن ایش کی یوخ قامتووی غصه اییب من بیلورم روحون آتشده یانیر گر دوزه سن دوزمییه سن دئدیلر ایش قولوون قووه سیدی ایشله هله تا گورنلر دئمه سون یوخدی پولون خژلییه سن اوره گون چوخ خوشیدی بیر یارادان واردی سنی ولی افسوس کی نفس یوخدی اونی سسلییه سن آخی بس چاره نه دیر هانسی طبیبی گتیریم کی بیر آز قابیل اولا دردلرووی سویلییه سن دئدی دردیم چوخ اولوب باغلی شفاعت قاپوسی کاش اولا حضرت علی موشکیلی بیر بیر دییه سن صبریلن حالوا پیشه گر قورا تاپسون پولووا اوچولار ظالم ائوی سنده گرک گوزلییه سن دوزدی مظلوم یارادیر ظالمی دنیاده بلا ولی قرآن دا دئییر حققی گرک ایستییه سن "زاهد" ال چکمه خدا دن قلم آل میدانا گل گرچه ظالم دیکه لیب حققی وجه وئرمییه سن شعر : زعفر نظرزاده زاهد فخرآبادی تهران تاریخ 11/02/1390 [ یکشنبه ۱۸ دی ۱۳٩٠ ] [ ٩:۱٧ ب.ظ ] [ زعفرنظرزاده زاهد ]
قانلی پیمان کونول منن دؤشؤب آیری اولوبدی قاره دنیاسی طبیبدن بیر جواب آلمیش قالیب بیچاره دنیاسی
تاپیلمیر دردینه چاره گزیر چوللرده آواره دگیبدی قلبینه یاره اولوب صد پاره دنیاسی
اؤزؤن سئللرده طوفاندا سالیبدی قانلی پیماندا گورؤب اغیاری هیجراندا گلؤبدور زاره دنیاسی
سولوبدور خسته رخساری آغاردیب ساچلارین باری خزانسیز یاندی گلزاری دؤشؤب اخطاره دنیاسی
گؤرؤبدور "زاهد" اول نازی الینده کهنه بیر سازی اوخور غم غصه آوازی وؤرؤب دیل یاره دنیاسی شعر:زعفر نظرزاده زاهد فخرآبادی اردبیل 05/18/1390 [ یکشنبه ۱۸ دی ۱۳٩٠ ] [ ٩:۱٥ ب.ظ ] [ زعفرنظرزاده زاهد ]
فخرآباد دئدی گل فخرابادا ، دینیله ایمان یئریدی بیر شفا خانه دی گل ، دردؤوه درمان یئریدی کیم گلیب کندیمیزه ،مطلبین آلدی آغادان بو یئرین عززه تی وار ، ملک سلیمان یئریدی درد گتیر درمان آپار ،حکمتی وار سید آغانین چاره سیز خسته لره ،یاخجی طبیبان یئریدی عشقی وار مللتینین ،حضرت عباسه چوخی گورسه دیر عشقیده ده ،یوسف کنعان یئریدی شیعه لر بیر گون اگر ، گورسه بیزیم تعزییه نی گوسته رر جان خیالین، چون کی شهیدان یئریدی مللتی چوخلی شهید ،وئردی وطن آزاد اولا نسبتی حیدره وار ، بزم دلیران یئریدی بیراوزی اردبیله ،بیر طرفی مشگینه دی آنا یوردومدی منیم ، مکتبی قرآن یئریدی گل اوزؤن سحر ائله گور ،چشمه لرین منظره سین سو آخیر گوز یاشی تک ، تشنه گلستان یئریدی نه طبیعت بئجه ریب ، فخری آنا رحمت اونا ائله بیل سعدی دییه ن ، سونبول و ریحان یئریدی هامو حیرتده قالار ، گورسه چمن باخچا باغین بولبولیم شوقه گله ر ،بس کی هزاران یئریدی بیر سوروش میوه لرین ،آی نه شیرین آلماسی وار اوزومی بال کیمیدی ،دوغروسی شاهان یئریدی هلوسی شفتالوسی ، همده گیلاس آلبالوسی جان وئرر جانسیزا گل ، جسمیده جانان یئریدی باهاری گورمه لیدی ،بولبول اوخیر گوللر آچیر باخدی پروانه دئدی ، شاعیره دیوان یئریدی "زاهد"ی یاده سالون ، گلسه باهار فخرآبادا چون اونؤن روحی قالیب ، اوردا کی یاران یئریدی زعفر نظرزاده (زاهد) اردبیل 01/02/90 [ یکشنبه ۱۸ دی ۱۳٩٠ ] [ ٩:۱۳ ب.ظ ] [ زعفرنظرزاده زاهد ]
فخری آنا توضیح مختصری درباره ی "فخری آنا" به در خوا سست هم میهنان عزیز فخری آنا زنی بسیار مقتدر و شجاع و دارای فرزندان دلاوری بوده که در فخرآباد سکنی گزیدند و به زندگی در آنجا ادامه دادند. او که زنی با ایمان و پاکدامن بود به احترام وجود بقعه مبارکه امام زاده حضرت سید سلیمان (ع) از فرزندان بلا فصل امام موسی کاضم (ع) و برادر امام رضا (ع) تصمیم گرفت به همراه فرزندان خود درآنجا اقامت کرده ودر رونق و پیشرفت فخرآباد تلاش کنند.
ادامه مطلب [ یکشنبه ۱۸ دی ۱۳٩٠ ] [ ٩:۱۱ ب.ظ ] [ زعفرنظرزاده زاهد ]
(محض رضا) ای روزگار مهرو وفا کجا رفت؟ آن خوشدلی صلح وصفا کجا رفت؟ روزی مرا همدم دل تو بودی اکنون بگو دست سخا کجا رفت؟ تنها شدم با درد بی نهایت یاران چه شد قافله ها کجا رفت؟ این زندگی وفق مراد ما نیست دانی که آن حال و هوا کجا رفت؟ چندی بود فکر شراب نابم ای مست شب ساقی ما کجا رفت؟ آتش گرفت خرمن دل به آهی کس را ندید اهل خطا کجا رفت؟ پروانه گر عاشق شعله ات گشت ای شمع تورا شرم و حیا کجا رفت؟! کردی قفس بلبل این گلستان ای منصفان محض رضا کجا رفت؟ یاری گری بحر گدا نماده است طاعی چه شد بذل و عطا کجا رفت؟ آمد خزان گلشن و گل فنا شد ای باغبان راز بقا کجا رفت؟ ما جملگی عاشق شدیم به رندی "زاهد" بگو عشق خدا کجا رفت؟ شعراز: زعفر نظرزاده(زاهد) هفتم دی ماه 1389 [ جمعه ۱٦ دی ۱۳٩٠ ] [ ۱٢:٥۸ ق.ظ ] [ زعفرنظرزاده زاهد ]
(جان قماری) بو گئنیش دنیانی من کونلؤمه دار ائیله میشم آینا تک گونلریمی گور نئجه تار ائیله میشم قالیب ائوده گونوزی چولده دولاندیم گئجه لر باخیب آی اولدوزینان ذکر نگار ائیله میشم ایندی جان خسته سییم یوخدی طبیبین خبری بویانان قلبی اوزوم عشقه دچار ائیله میشم دئدیلر کهنه قمار بازدی فلک یوخدی حریف ولی دنیانی آتیب اونلا قمار ائیله میشم بوقمارین اوتانی دؤزدی اوتوزدی جانینی جان کی سهل اولدی منه جسمی نثار ائیله میشم دئمه مجنون چوله دؤشدی ده لی دیوانه کیمی منده داغ پارچالاییب دشمنی خوار ائیله میشم سینه م آتشده یانیر آمما دئیون دوستلاریما مکتبی عشقی آچیب صلحی قرار ائیله میشم بی وفالر دئدیلر "زاهد" اولوب خانه خراب بولبولم ،گولدن اوتور ترک دیار ائیله میشم شعر: زعفر نظرزاده زاهدفخرآبادی اردبیل سال 26/02/1390 هجری شمسی [ جمعه ۱٦ دی ۱۳٩٠ ] [ ۱٢:٥٧ ق.ظ ] [ زعفرنظرزاده زاهد ]
عزراییل عزراییل گلدی قفیلدن جان آلان گلدی گئنه چکیلؤن اَیْری کمانلا اوخ آتان گلدی گئنه قورخولی هئیبتی واردی نه ده گور اَیْری باخیر گوره نین زهری یاریلدی قوجا خان گلدی گئنه بیلمورم منده نه گوردی باخیب هئی گؤلدی منه اولمیا وقتسیز ئولومدی بو زامان گلدی گئنه گاه گلیب پنجره میزدن منه هئی قاش گوز آتیر گاه قفیلدن گوروسن کی باجادان گلدی گئنه یوخسا بیر جیندی گلیبدی منی قورخود ماق ایچون نئچه یول ایتدی گوزومنن سورادان گلدی گئنه توزاناق سالدی ائوه باسدی دؤمان گوزله ریمی ائله بیل تؤستی قویؤب تؤلکی بوغان گلدی گئنه بیرآغاج ووردی باشیمنان کاسادان چیخدی گؤزؤم اوندا بیلدیم کی اجل دی آلا جان گلدی گئنه دئدی عومرون قوتاریب دور منیلن گئدمه لی سن سنی اوز طایفا ائلونن آییران گلدی گئنه قورخودان شالوارا وئردیم سورا گوردوم یوخیدی ! دئدیلر چیخ قاپییا یولچی ایمان گلدی گئنه گوزومی آچدیم اویاندیم یوخی دوشدی باشیما یاتمادیم صبحه کیمی گوزله ره قان گلدی گئنه نئچه گون صبر ائله دیم فالچی خؤدؤش کنده گله تا دییه م کی یؤخؤما جیننی خوخان گلدی گئنه فال آچیب سونرا دئدی خوش حالووا "زاهد" اوغول سنه اون یئتدی قوناق آستارادان گلدی گئنه دئدیم آللاه هامویا بوغدا گلیر تای تایینان منه ده های هایینان ائو داغیدان گلدی گئنه شعر : زعفر نظرزاده زاهد فخرآبادی اردبیل 31/03/1390 هجری شمسی [ جمعه ۱٦ دی ۱۳٩٠ ] [ ۱٢:٥٦ ق.ظ ] [ زعفرنظرزاده زاهد ]
(حاج محسنین مکّه ده کی رویاسی) قارداشیم واردی اونون محسن آدی ائولادی معرفت تحفه سی دیر، تارلیم اونی یولاّدی ادبی باشقا مثل ،یاخجیلیقی دیلده گذر بیر نزاکتّی اوغول، حق یولونی دینده گذر سوزله ری حق سوزیدیر، یولی آلاّه یولیدی بئله بیر انسان اولان، آتانین ساغ قولیدی اون یاشیندا اوشاقا کعبه ده ائتدی وفا زمزمینن سو ایچه ائلیه سعی و صفا مکّیه عـازم اولـــوب، رتبه ده حاجی اولؤب کعبه نین حرمه تینه باشلارین تاجی اولؤب اوپیامبر بالسی گوردیگین گوردی گئجه یئتیشیب صبح نمازی یوخودان دوردی نئجه یوخودا گوردی گوزه او بقیع منظره سین دنیانین آخیره ته آچیلان پنجره سین دیریلیب هاممو ئولن نه گلیب زمانیه گوردی پیغمبر ئوزی بورونوب عمامیه ته له سیک قاشدیم اونا عرض ائله دیم سوالیمی بو قرانلیق گئجه ده تئز آلام جوابیمی یامحمد سسیمه اولدی حیران ئولیلر بوآدین عززتینه ئو لیلرده دیریلر بیری سس وئردی منه دئدی قوی کلسین اونی مصطفی ختم نبی گتیرون گورسین اونی یولومی کسدی بیری دئوه بنزردی باشی دیرناغی نیزه کیمی ایتی خنجردی قاشی قورخوی گلمیش جانیما اسیرم یئل سیاغـی ایچه ریمنن یانیرام جوشورام سئل سیاغـی شیعه لر پهلوانین سسله دیم یاعلی گـل ذولفقار صاحیبینی بسله دیم یاعلی گـل گلدی مولا گوزومه آیا بنزردی ئوز ی اویتیم لر آتاسی قانا دونمیشدی گوز ی دئدیم آی درده دوا مطله بیم واردی سنه آغانین گلمه گینی هئچ بیلن یوخدی هله ظوهورون وعده سینه نه قده ر صبر ائلییه ک بو گوروش حسرتینه نه قده ر غصه ییه ک دئدی بو مسئله نین دئمه سرین بیرینه آغایا خاص اولان، یئتیشر بیر بیرینه منی رؤ یایه چکن دئدی سیررین بوسؤز ون نیتی پاک ائله سون بیله جکسن سن ئوز ون حقّی نا حقّ ائلیه ن "زاهدین "دشمنی دی بو ایشه شک ائلیه ن دوغرودان ارمنی دی شعر: زعفر نظرزاده زاهد فخرآبادی اردبیل 05/06/1388 ه.ش [ جمعه ۱٦ دی ۱۳٩٠ ] [ ۱٢:٥٥ ق.ظ ] [ زعفرنظرزاده زاهد ]
آللاهدان اؤتان هئچ سن بیلؤسن دوزلیگه چوخ آزدی خریدار بازاری کساد اولدی دؤنؤب قاشدی خریدار گل منن ائشید دوز سوزی آی حققی گزنلر مین تولکی گلیب میدانا تک قالدی خریدار اولماز سنه دای مشتری دوککا نووی باغلا چون کی آدووی محکمه ده یازدی خریدار هئی آللاهی داندؤن یالانا ساتدون آدین هئچ بیر دئمه دون قویدی هارا گئتدی خریدار نامردلیگ اوتین گؤلشنی بازاره سالیبلار مردانه لیگین جرمه سینه یاندی خریدار اکدؤن یالانین توخمونی تئز وئردی بارین دردیگجه اونی قددی کمان اولدی خریدار طوفانلی خزان گلدی گئنه سالدی قیامت گؤلشن گولی تک هئی سارالیب سولدی خریدار آلدون یالانی دؤزلری ووردؤن قیراغا آللاهدان اوتان دؤز یالانی، بیلدی خریدار زاهد دئمه دای یوخدی سوزون مشتریسی گر حققی دانیشسون سوزؤوه چوخدی خریدار شعر :زعفر نظرزاده زاهد فخرآبادی اردبیل 21/06/1390 هجری شمسی [ جمعه ۱٦ دی ۱۳٩٠ ] [ ۱٢:٥۳ ق.ظ ] [ زعفرنظرزاده زاهد ]
|
درباره وبلاگ  زعفر نظرزاده زاهد فعالییت هنری : شعر و ادبیات zafar.zahed@yahoo.com   بهنوش
 مهرنوش
| |
| [ قالب وبلاگ : ایران اسکین ] [ Weblog Themes By : iran skin] | ||