انصاف ئولؤب

دنیاده کلک حاکیم اولوب یوخدی بیلن

هر جاهیل اوکوز عالیم اولوب یوخدی بیلن

آق ساققال اولوب  کندیمیزین چالواداری

هر ایشده  جلوداریم اولوب یوخدی بیلن

قانماز نه دی دین یا کی شریعت نه اولار

احکامیده استادیم اولوب یوخدی بیلن

کور شیطان اولوب گورمه گه گوزلر ایشیقی

غافل نییه انسانیم اولوب یوخدی بیلن

حققین دادی شیریندی ولی شرطی آجی

شرطینده چوخ اهمالیم اولوب یوخدی بیلن

دوستلار کی ائده ردی منه قوربان جانینی

جان آلماقا جلّادیم اولوب یوخدی بیلن

باخ سن نئجه گور قایدا دؤنؤب انصاف ئؤلؤب

دشمن منه قارداشیم اولوب یوخدی بیلن

انساندا گرک اخلاق اولا یاخجیسی چوخ

بیر ذره سی درمانیم اولوب یوخدی بیلن

حیوان لارینان باش باشا وئردیک عومؤری

انسانلیقا تک آدیم اولوب یوخدی بیلن

هر فتنه شرین عاملی انسان دی ولی

شیطان آدی بهتانیم اولوب یوخدی بیلن

چوخ حقی دئییب ائتدیک عمل باطیلینه

حق دوستلاری دوشمانیم اولوب یوخدی بیلن

آنناخلی آدام چوخدی پرستاریم اولا

نادان نییه غم خواریم اولوب یوخدی بیلن

انسان نییه چوخ حیوانا رحمت اوخویور

بو مسئله اسراریم اولوب یوخدی بیلن

ذیللتده قویوب مللتی ظالم عملی

شرمنده بؤ وجدانیم اولوب یوخدی بیلن

هرجمعیده حقین طرفین ساخلامیشام

آلچاق نییه دیواریم اولوب یوخدی بیلن

زاهد یئدیلر حققی سن اولدؤن نگران

شاهد اونا قرآنیم اولوب یوخدی بیلن

زعفر نظرزاده زاهد فخرآبادی

هیجدهم آذر سال نود فخرآباد