|
"فخری آنا"
شعر و ادبیات و اطلاعات عمومی
| ||
|
خان ننه یازان: شهریار برای شنیدن شعر با صدای زنده یاد شهریار اینجا را کلیک کنید.
خان ننه ، هایاندا قالدین بئله باشیوا دولانیم نئجه من سنی ایتیردیم ! دا سنین تایین تاپیلماز سن اؤلن گون ، عمه گلدی منی گه تدی آیری کنده من اوشاق ، نه آنلایایدیم ؟ قاییدیب گلنده ، باخدیم یئریوی ییغیشدیریبلار نه اؤزون ، و نه یئرین وار « هانی خان ننه م ؟ » سوروشدوم دئدیلر کی : خان ننه نی آپاریبلا کربلایه کی شفاسین اوردان آلسین سفری اوزون سفردیر بیرایکی ایل چکر گلینجه نئچه گون ائله چیغیردیم کی سه سیم ، سینم توتولدو او ، من اولماسام یانیندا اؤزی هئچ یئره گئده نمه ز بو سفر نولوبدو ، من سیز اؤزو تک قویوب گئدیبدیر ؟ هامیدان آجیق ائده ر کن سونرا باشلادیم کی : منده گئدیره م اونون دالینجا دئدیلر : سنین کی تئزدیر امامین مزاری اوسته اوشاغی آپارماق اولماز سن اوخی ، قرآنی تئز چیخ سن اونی چیخینجا بلکی گله خان ننه سفردن ته له سیک روانلاماقدا اوخویوب قرآنی چیخدیم کی یازیم سنه : گل ایندی داها چیخمیشام قرآنی منه سوقت آل گلنده آما هر کاغاذ یازاندا آقامین گؤزو دولاردی سنده کی گلیب چیخمادین نئچه ایل بو اینتظارلا تا یاواش – یاواش گؤز آچدیم آنلادیم کی ، سن اؤلوبسن ! بیله بیلمییه هنوزدا اوره گیمده بیر ایتیک وار گؤزوم آختارار همیشه نه یاماندی بو ایتیکلر خان ننه جانیم ، نولیدی سنی بیرده من تاپایدیم او آیاقلار اوسته ، بیرده دؤشه نیب بیر آغلایایدیم کی داها گئده نمییه یدین گئجه لر یاتاندا ، سن ده منی قوینونا آلاردین نئجه باغریوا باساردین قولون اوسته گاه سالاردین آجی دونیانی آتارکن ایکیمیز شیرین یاتاردیق یوخودا ( لولی ) آتارکن سنی من بلشدیره ردیم گئجه لی ، سو قیزدیراردین اؤزووی تمیزلیه ردین گئنه ده منی اؤپه ردین هئچ منه آجیقلامازدین ساواشان منه کیم اولسون سن منه هاوار دوراردین منی ، سن آنام دؤیه نده قاپیب آرادان چیخاردین ائله ایستیلیک او ایسته ک داها کیمسه ده اولورمو ؟ اوره گیم دئییر کی : یوخ – یوخ منیم او عزیزلیغیم تک سنیله گئدیب ، توکندی خان ننه اؤزون دئییردین کی : بهشت ده ، الله وئره جه ک نه ایستیور سن بو سؤزون یادیندا قالسین منه قولینی وئریبسه ن ائله بیر گونوم اولورسا بیلیرسن نه ایستیه رم من ؟ سؤزیمه درست قولاق وئر : سن ایله ن اوشاخلیق عهدین خان ننه آمان ، نولیدی بیر اوشاخلیغی تاپایدیم بیرده من سنه چاتایدیم سنیلن قوجاقلاشایدیم سنیلن بیر آغلاشایدیم یئنیدن اوشاق اولورکن داها من اؤز الله هیمدان [ ] [ ] [ مدیر ]
|
درباره وبلاگ  زعفر نظرزاده زاهد فعالییت هنری : شعر و ادبیات zafar.zahed@yahoo.com   بهنوش
 مهرنوش
| |
| [ قالب وبلاگ : ایران اسکین ] [ Weblog Themes By : iran skin] | ||