|
"فخری آنا"
شعر و ادبیات و اطلاعات عمومی
| ||
|
کارگر سنی آللاه یارادیب چوخ الله شیب آز ییه سن؟ اوزون آغلار دولانیب اوزگه لرین گولدیره سن؟ صبحیدن آخشا ما چان هئی چالیشیب تر توکه سن! بوآخان قان ته رؤوی قویمیالار بیر سیله سن! استه سون حققؤ وی بیرگؤن آلاسان گور نه اولیر کوز قویؤللار الؤوه بلکه بیر آز اینجییه سن سنده من تک یازیق اولدؤن باشؤوا چاره ائله آدووی فهله قویوبسان گرک هئی ایشلییه سن گئجه شیرین یؤخؤلار گئتدی الؤنن تئز اویان ایشؤوین وقتی چاتیب یوخدی ماجال چای ایچه سن رسم اولده قویؤلؤب جنگله شیر حاکم اولا سنه ده حکمی وئریب آهو کیمی دینمییه سن آیلیقؤن دوختورا یا بورجا گئدیر یا کرایا گورمه دیم بیر نئچه گؤن سنده گؤلیب شیننییه سن اولمادی تختیده سن بیر گئجه راحت یاتاسان تا چیخا آغری جانؤننان یؤخینی دملییه سن ایشلییه ن آج دولانیر ایشله میین غصصه چکیر چالدیرر کاتتا یدی سن باخیب هئی گوْنییه سن ایشله دؤن مؤفته یئدی بوینؤ یوغؤن تای باشیلار بیری هئچ سویله مه دی فهله سنی ئولمییه سن ایش کی یوخ قامه تؤوی غصصه اَییب من بیلؤرم بیزی آغلار گؤنه قویدؤن ،فلک هئچ گؤلمییه سن ئؤره گیم چوخ خوشیدی بیر یارادان واردی بیزی یارب انصاف نه اولؤب دردیمی سن بیلمییه سن دئدیلر ایش قولؤوؤن قؤوه سیدی دؤزدی قبؤل ولی قدرتده قاچار هفته ده ات گورمییه سن آخی بس چاره نه دی هانسی طبیبی گتیریم کی بیر آز قابیل اولا دردؤوی سن سویلییه سن دئدی آللاه نئجه گور یو خدی بیلن دردیمیزی کاش اولا حضرت علی مؤشکیلی بیر-بیر دییه سن صبری اییؤب نه دی سن صبریده بیر داش قایاسان سنه قؤربان بؤ جانیم بس نییه گلدؤن دیله سن دؤزدی راوی دئییری مؤشکیله چوخ صبر ائلییه ک ولی قرآن دا دئییر حققی گرک ایستییه سن "زاهد" اولماز سنه دای چاره یولی ، بیر ده به ریش حققی آلمازدی بیری گر سن اونی وئرمییه سن شعر : زعفر نظرزاده زاهد فخرآبادی تهران تاریخ 11/02/1390 [ ] [ ] [ مدیر ]
|
درباره وبلاگ  زعفر نظرزاده زاهد فعالییت هنری : شعر و ادبیات zafar.zahed@yahoo.com   بهنوش
 مهرنوش
| |
| [ قالب وبلاگ : ایران اسکین ] [ Weblog Themes By : iran skin] | ||